مديت لك حبل الرجاء واتحراك
وياما انتظرتك والفحتني الذواري
جيتك عشق صافي ماني اتحداك
وان غبت ليله اصبح القلب ساري
دورته وادري القاه في ديار مفلاك
هايم ولا ينسى لذكراك طاري
ماهو بكيفي لكن القلب اغلاك
وتعبت منه وانا لخفوقي ادراي
ياكوكبي المشرق وينه محياك
طال المغيب ولوعتني العزاري
تجيني علومك وما ينطقه فاك
والقا اظلالك على باب غاري
خليتني في فم العواذيل مسواك
كنك على عشقي يالترف زاري
تقبل وتقفي وعلى الود شكاك
تجيني امواج وتقفي صواري
الله ييسر لك وتوصل للادراك
يسبق خفوقي يالعزيزه وقاري
ليست هناك تعليقات:
إرسال تعليق