صرخة عتاب من الجوى غردة اوف طفيت جمرك بي احمي الحديده دونك معاليق الحشا كلها نزوف هذا خفوقي وش بقى في وريده ان مريت يمك يقولون ملقوف وان جيتي يمي قيل جته الطريده انتي القمر اللي بالسما نعشقه شوف وانتي مداره والافلاك البعيده من الفرقى غدى لوني اليوم مخطوف ابطى ولا الساعي يوصل بريده ارقب على ظلع العلا براس شاحوف ناديت ويرد الصدى لي واعيده وليا هب من يم المحبين نفنوف اشم من ريح الصبا انفاس غيده راحت وانا جفني تيازير دالوف الله يعز بلادها وهي سعيده تلبس حرير وبمهجع الغرو شفشوف جاها طلبها ولبو لها ما تريده وانا على النكبه ثيابي من الصوف واطرافي ترجف بالبرد مع جليده كتبتها بوشم الخضر فوق الكفوف وسجلتها بصدري احلى قصيده لا حظي اسعفي ولا ني بمسعوف وان قمت من عثره رمتني مكيده رمحه طعني وانطوى بوسط شرسوف لانازعه عني وعيا يعيده ليته ثناه بطعنة ٍ تقطع الجوف او ياليت بي كل الجوارح بليده لا ماكل هم العنا وعنه مصروف ماغير له الكشخه وهاتف بأيده

 

صرخة عتاب من الجوى غردة اوف
طفيت جمرك بي احمي الحديده
دونك معاليق الحشا كلها نزوف
هذا خفوقي وش بقى في وريده
ان مريت يمك يقولون ملقوف
وان جيتي يمي قيل جته الطريده
انتي القمر اللي بالسما نعشقه شوف
وانتي مداره والافلاك البعيده
من الفرقى غدى لوني اليوم مخطوف
ابطى ولا الساعي يوصل بريده
ارقب على ظلع العلا براس شاحوف
ناديت ويرد الصدى لي واعيده
وليا هب من يم المحبين نفنوف
اشم من ريح الصبا انفاس غيده
راحت وانا جفني تيازير دالوف
الله يعز بلادها وهي سعيده
تلبس حرير وبمهجع الغرو شفشوف
جاها طلبها ولبو لها ما تريده
وانا على النكبه ثيابي من الصوف
واطرافي ترجف بالبرد مع جليده
كتبتها بوشم الخضر فوق الكفوف
وسجلتها بصدري احلى قصيده
لا حظي اسعفي ولا ني بمسعوف
وان قمت من عثره رمتني مكيده
رمحه طعني وانطوى بوسط شرسوف
لانازعه عني وعيا يعيده
ليته ثناه بطعنة ٍ تقطع الجوف
او ياليت بي كل الجوارح بليده
لا ماكل هم العنا وعنه مصروف
ماغير له الكشخه وهاتف بأيده
-*-*-*-*-*-*-*-*-*-

كلمات الاستاذه المها وصح الله لسانها وبارك فيها 

واسعدها  في الدارين 

وقر بها عيني والديها وسترها ونولها ما تصبو اليه 

مجاراتي المتواضعة لقصيدة عقل العياش
 

أقول
الحرف تلعب به على نهاية الاوف
انا اشهد انك يابن عياش سيده
تكتب شعر تكتب قصص بعدة حروف
ياكيف تجمعها وتصبح فريدة
بحر العرب جبت الدرر منه مرصوف
وهالحين في الشعبي يازين القصيدة
مانيب قدك بس قلت خلني اشوف
واكتب مجاراتي بصيغة جديدة
صحيح انا اكتب وانا ماليني الخوف
بس المها توصل للي تريده
ارجوك يالنشمي لاتدقق الشوف
وسامح اذا فيها كسور عديده
لك الشكر ياسيدي ميات والووف
اسعدتني عسى حياتك سعيدة

-*-*-*-*-*-*-*-*-*-*-