ياه ظني
ماخذلني غير ظني
ليه اليوم من حسن ظني اعاني
دونك اقري يوم حروفك احتوني واعزفي بنايك على جروح المعاني
في غيابك هالقصايد لوعني
كل نبض يمك يالغالي خذاني
انا ان قلت
ياعيوني استكني
كن النوم اقفى مع خلي ونساني
وهذا الليل ومض نجومه يلطمني
والهجير احمى نار الريح وكواني
ويا الاضاحي
ليه موتك
والعيون انذرن دمعي
ليه رحتن والصبح طول مساه
يعني ما انقبلت قرابيني وانا اسعي
مبطي المرسول وطول في بطاه
ولا يمكنه نساني
خذى قلبي والاماني
يمكن حروفي ما قراها
يالاضاحي
اعذريني
وانذرتني
ما قصدت الا الليالي وحذرتني
واهمست لي
في ليالي البرد قالت
اول ما دمعتي سالت
هذا اول القطر بجروحك
واول جذر ينتزع من جذع روحك
والطريق اللي سلكته
ملك قلبك ما ملكته
كف نذورك
وانطوي مثل القصايد في كتابك
والله انك ماتكتب الا لعيونه
وخل عنك
سوء ظنك
ما درت بك
لا تقدم هالاضاحي من احساسك
شوف راسك
كن جبل عكار اهداك العمامه
شاب راسك من غمامه
بدى ليلك
يسطع ونجومه زواهر
ولا انت ماهر ولا انت قاهر
واقول خلك
ولا تنادي
خلك في ليلك محلك
ولا تدور في المشاحي
انت من ضمن الاضاحي
يالاضاحي
اعذرني
مادريت ساء ظني بحسن ظني
بقلم عقل العياش
ليست هناك تعليقات:
إرسال تعليق