الله على قاف ٍ فيه نفسي تعفت
حرفه قراح من سلسبيل ٍ مصفى
ماجفت انهاره لو الغدران جفت
ونار ليا هبت النكبى عليها تدفى
نظم العقود اللي على السطر صفت
جزل القصيد وبالذي قال كفى
ودنياك ياصاح اليا نكصت ثم لفت
تخلي عزيز النفس جمره مطفى
وكم اجودي يركض ورجله تحفت
وعقب الصداره يجلس على جال رفى
ميل عن لا يمشي الطريق المزفت
وعن الشماته في شماغه تخفى
وكم عاشق افكاره من الغيد هفت
سوى به الهوجاس مناحه وزفى
يمشي على الاطلال ماغير يتلفت
يبكي على غرو ورى الضلع هفى
حرم عليه النوم ولا عين غفت
يوم ان خالي القلب غفى
قلمي
عقل العياش
ليست هناك تعليقات:
إرسال تعليق