ناح الحمام ونحت انا معه ياسعود
ونامت عيونه وانا اسهر شفيه
ودمعي على الخدين مفرية الجود
مابكى وانا لي دمعه هميه
هيضة من داخل القلب مركود
وكنت احاول اتناسا البنيه
من دونها حالة الحواجز والحدود
وجبال وسهول وقفرا خليه
رمتني وهي طفله وتو كاعب نهود
يغطاهن الفنجال واصغر سويه
عين المها عينه دواعج سود
من رمشها ترمي سهام المنيه
زهر وورد ريضان شفافه والخدود
حمر كما الياقوت اودم الضحيه
اليا ابتسمة خلت العقل بشرود
يكشف عن صافي بياض الثنيه
مارشة على جسمه مسك ولا عود
مطـيبه من الله رب البريه
اعطبت روحي وتلة قلبي لها قود
يشوحني بحبه صبح ومسيه
من يوصل المحبوب ويجيب مردود
بلكي يرد الروح ولفي عليه
قولو لها حالة محبك على زود
يتعذب لفرقاك بنار حميه
ياسعود يامسندي ياماكر الجود
ياسعود من عقبه حالي رديه
|
|
ليست هناك تعليقات:
إرسال تعليق