خلك غريب وارحل معي

تغيب وش اخر هالمغيب والمنتظر مبطي بكاه والصوت يرجع له صداه خلك سلك درب الصدود وش تنظر خلك يعود اشوف فكرك من حلمك ثمل والليل من زمااااان بدره اكتمل وترسم خطوط للامل يتبع امل وعمرك غدى وفي سحنتك ارهاق وعث الراحلين وش تنظر يجي من الغايب خبر هاك الخبر لكن عطني المبتدا والله دريت اذكرك اما تذكر يومك مشيت بشوارعهم غريب يومن يلفحك الهوى والناس من حولك ولا تدري باحد كنك على الدهناء او تايه بالنفود ياما نهيتك لكن قلبك ماطاع النصيح ان قلت ارتجع نبضك في وجهي يصيح قلت استريح ولاني بناوي لك غير انك تعود واذكرك شف هذا الكون وش كبره فسيح ولا تستبيح الذات فعلك مو صحيح وهذي عيونك ماهي غيم ............يانبع المطر وجهك ضما وتجاعيدك حدايق شوك وغابات الشجر وهذا العمر لا تذبحه تدفع الشمس للغروب من الضحى ان قلت انسها اخاف النبض يمسك حبل المنتحر وترحل غريب وترحل غريب مثل ماعشت ولا عنك درت اذكرك ليه النداء ما جاوبت له واسكتت وقفت على باب الصمت ثم ارحلت وغابة معها عناوين اللقا ونسيت وفا من قال هي عرفت وفا ماقلت لك ارحل معي نبي في ليلك الموحش نعلق نجوم ولهيب الشمس المحترق يلبس غيوم ونزرع للمقتبل اجمات من الخزامى ويلفي عليك اللي رحل بثوب الغريب خلك غريب وارحل معي بقلم عقل العياش