sdddfg
اخر مناي
عبيد ليت ما شافت العين عاده
ولا شافة عيوني كحلا ولا رماح
ريم البصيري شلني من الاراده
من شفت عينه خلا القلب ملواح
العنق عنق الريم والماسه قلاده
خمص الخصر كنه غصن تفاح
عنود اريام ومستلم للقياده
يقود قلبي بين غادي ومرواح
توه صغير وتو فزة انهاده
شقرا الذوايب ولفة الردف بوشاح
شربت من بعده مر الفراق ونكاده
ونار تلظى وسنا الشوق لفاح
لملمت انا جروحي خوف النقاده
منها جروح الامس والليل وصباح
تجنبت انا علوم الردى والجحاده
الواشي لجرح المحبين فضاح
ياعبيد من شفته ما عرفت الوساده
وسر ي بفكري عسى طيفها لاح هايم بحبه ويعذبني بعاده
اسهر لتالي الليل واقضيه بنواح
واخر مناي ان البصير ي وكحلا وعاده
برقه يخيل وماء الورد نضاح
ربيع دايم والمنابت زياده
وتبقى منازلهم ما بدلو مراح
شعث الليالي
ياليل ما تصبح ترى الوقت طول
عسى مع الفجر القى رياحه
وعسى همومي عقب ما التمت تجول
مثل الطروش مع صباحه سراحه
طال المقام واسود الراس حول
حط الرحال وفوق صدري براحه
ياعبيد كرات الليالي تهول
عقب العطا والرخى وانشراحه
صرت بالدين من عباد الله اتمول
ومطلوب لراعي البهم والفلاحه
لو كنت اسعى لكسب مال من اول
لميت مال من البخل والوقاحه
دار الزمن ياعبيد وجايل وصول
على اهل النقا والوفا والصراحه
يرفع اذناب بالمجالس تضول
وروس باعتاب الابواب انطراحه
يا عبيد شعث الليالي تدول
عند الكرام والردي في ارباحه
ــــــــــــــــ موهن الليل ـــــــــــــــــــ
ليلي من الهاجس ونهاري ازعاج
دكات ذيب في موهن الليل داجي
اهوجس وكني للناس هراج
ولا كبير السن يحكي حواجي
مالت ايامي من فوق مزلاج
ولا بقى من الامل أي راجي
يابو عقل بي شايل الهم دواج
ياعبيد على راسي من الهم داجي
القلب صابته من الايام مفلاج
من حدر الاضلاع له ارتجاجي
اكض نابي وجمر من الغيض وهاج
من غبنهن ياعبيد ماضن ناجي
الحظ اقفى وطير السعد فلا راج
مالقاه لو اسئل عنه وسط الحراجي
ولو دورة عنه بديار الافلاج
وفي حمص وبغداد وبحر اجاجي
اخفاه السديم وغطاه العجاج
وغبار الايام تطفي نور السراجي
ياليت لي قلب مع الاطفال سهاج
ما عرف من الضيم ذرة عجاجي
Fffffffffffffffkfff
جـو ا ب
عـبـيـــد ا لــعــيــــــــــا ش:
يالله ياعلام ياو الي الافراج
ياعالم باغيب وفي كل داجي
خط القلم من فوق القراطيس دراج
واستهليت القاف على حرف آجي
من يشكي الدنيا كثيرة ازعاج
حتى منام العين فيها انزعاجي
يفداك من عبى شيكاته بالادراج
ويفداك من يملك الاف النعاجي
العز دام انه بالروح وهاج
يا ضي لها في مضلمات النواجي
تلقاه وان اظلم الليل لعاج
تمشي على نوره كنه سراجي
لا تشتكي الوقت ولا تصير لجاج
لا بد ما يأتي يوم انفراجي
وياعقل ماني مرتاح كني على صاج
حريق خبز واحترق فوق صاجي
وياعقل قلبي من الهم هجاج
مثل القعود اللي صابه رهاجي
حتى قراح الماء بريقي هماج
مرن وعلقم وكل مذاقه هماجي
زماني عليا مثل الجمل هاج
قامت تقلبني ليالي العجاجي
ومن الغربه صابتني ياعقل رهاج
ومن غربتي ما دري ولا لي علاجي
يحدر بي الهم في سلك ديباج
الى قاعة البير وأرضه سماجي
اصعد على اللوح واللوح مزلاج
مدهون بزلاج ولا له ادراجي
ولا كما الربان فيه البحر ماج
والسفن تلعبه عظيم الامواجي
منه انحدر دمعي على الخد سهاج
من فوق خدي محدرن اندراجي
ياشوق نجلا وللعين دعاج
والثغر بارق في الليالي الدواجي
حريا في مشيها رود غناج
مشي القطا وهرجها بنزواجي
ثمانها در ولا فيهن افلاج
بين الشفايا يرهجن اهياجي
بالهرج مزاح وشموع رجراج
عبقه وعاشقها راعي مزاجي
مطوية السرجوف يا كنها العاج
وكثر الحلا فيها زود ابتهاجي
عساه في حيكم ياعقل داج
على بير بن عياش عساه داجي
وصلاة ربي عدد ماحج حجاج
على النبي العدنان شفيع مناجي
Fffffffffffffffkfff
ا لــد مـــى
سبى خفوقي من البدو ظبي عديم
وتعشق العين احيانا وصف الدمى
ما كنت اظن يوم يخليني هشيم
ولا يسهرني الليل ولا اشكي ضمى
نجل العيون وصفهن ياعين ريم
رتل الثنايا والمباسم نمنمـــــى
انا خفوقي من الهوى ماهو سليم
يدوي وجاوبته ضلوعي دمدمى
كنه رعد اليا صفق غيمه الغيم
من صفقهن برق لعج بالومــــى
*\*\*\*\*\*\*\*\*\*\*\*\*\*\*\*\*\*\*\*\*\*\ p[p[p[p[p[p[p[p[p
لـــــــــه
عزاه
ياعين من فراق خلي ذروفه
وعزاه
تبكي من المخاليق الاضعاف
ريم
ليا من بدى لعيني وشوفه
لو
هي بسود العبايات تنشاف
ضو
القمر ما خذ ٍ من وصوفه
لكن
لها ثلات على المتن نساف
لها
في حبي على المخاليق نوفه
بميزان
العشق عندي راجح ونواف
لإسمه
صدى بالحنايا هتوفه
لو
به شقى دونها العمر ينعاف
هو
جرح ذاتي وعلاج وشغوفه
غاصب
بي الجوف ومن العشق اسراف
اصبر
عليه ولو لا وحتني سيوفه
وانا
عليه من سود الايام خواف
يا
وقت شانت عليا ظروفه
اسقيتني
من المرارات اصناف
كنت
انتظر لين تينع قطوفه
واني
لوردة ودرة الترف قطاف
عصاني
حظي ويبغوني اعوفه
عييت
ولو يشوي المعاليق برضاف
له
خجلة النرجس ومن القطاني ندوفه
ومن
الخزامى بنت العنق وزلاف
ومن
الزهر رحيق تعاسل شفوفه
ومن
قطعة الالماس رقراق شفاف
``````````````````
االنهيدين
ياشين موادعك يازين وفراقك نار تصلاني
ويا محلا مواجه الاثنين في دار قفرى وخلياني
ياهل الهوى قولو آمين مثل المستسقي وضمياني
قابلتها قبل يومين قلت يكفك هجراني
قالت ترانى محيلين في ديرة الهيل مسكاني راحت وكني
على نارين او في بير طعيم خلاني
شالو عن ديرت النهيدين ياطو ل مسراي
وحزاني
<><><><><><><><><><><><><><><>
ضـــــرا عــــــــــــــــه
ليا
ضاق صدري اكتب الهم موال
يجلي
حزازات الحشا مع عللهن
وعليه
شربي من البن فنجال
اليا
صبغ بدلالهن من زللهن
من
شف فنجاله ريقه معه سال
يطرد
ضيقات الزمن من وجلهن
وليا
ضاقت الدنيا وتزرى بالاحوال
لله
كفوفي بالضراعه ا شهلهن
ربٍ
قديم كريم ولا زال
يارث
ملكوت الكون في مكتملهن
كبوات
حظي بالزمن صارن طوال
متعثرات
لوهن مشن في مهلهن
ربيع
عمري غدى سراب على لال
وطول
الليالي اشتكي من مللهن
ان
ادبرت شهر قلت عسى يولد هلال
وعل
وعسى يجي سعادي بدلهن
وليا
ان حظي حلم السبيله بالامثال
ثوى
وشين السوايا عملهن
الحال
تزرى وهن ضعيفات وهزال
رجواي
بالمعبود يبدل سملهن
يلومني
اللي بالميالات جهال
لوكنت
اقدر عزلهن لا عزلهن
ضاق
الصدر منه ليته بفلال
وياقف
على داره دوارس طللهن
دنياك
ما تجي بحيله ومحتال
عليك
شديدات بوطيت حيلهن
الابتوافيق
وأن جت على قلال
ما
ركض مثل الوحش في سهلهن
ورزقي
على اللي تعلا وهو عال
غيث
الخلايق اليا اشتكو من محلهن
اليا
عطى عطى سمينات وجزال
وليا
خذا لو بين الحنايا نتلهن
كم
من مليك معزز وهو ذال
وامواله
اللي للمحارس بذلهن
مال
الزمن به وقصوره اطلال
من
عقب كرسي العرش غاص بوحلهن
مايرد
المقدر حصون واقفال
حل
القضاء وتشتتن مع اهلهن
ياكنه
من حلات الدنيا فلا نال
ولا
دامت لعقبه لمن هو نزلهن
كل
حي بالدنيا لا بد شيال
ماغير
اعماله بجيده حملهن
وصلى
الاله على خير مرسال
اعداد
رمل البيد وسحاب وهملهن
sssssssssssssssss
ليست هناك تعليقات:
إرسال تعليق